Tiimi on työterapeuti, fysioterapeuti ja alisiukkahoitajia. Sie kohtaat meitä ennen kun menet kotia ja sitten alotethaan insatsit kotitulon jälkhiin. Met tarkistama sinun kotimiljöön ja minkälaista tukea sie tarttet ette sie saatat asua jäljelä ja tuntea turvaa.

Kotiolotiimi on töissä sinun tykönä sinun tarpheitten mukhaan ja on käytettävänä päivän aikoina maanantaista perjantaihin. Illoila, öilä ja viikonloppuina sie saat apua kotipalvelulta, yövalvojilta ja sairaanhoitajalta jos sulle on hyväksytty heän insatsia. Kotiolotiimi saattaa antaa sulle jopa kolmen viikon tukia kotona. Sen jälkhiin kotipalvelu ottaa yli, jos tarvetta on olemassa.

Miksis kotiolotiimi?

Tavote on ette lisätä sinun ittenhäisyyttä ja elämänlaatua, sekä tueta sinua jatkamhaan asumhaan sinun koissa.

Met haluama antaa sulle hyviä eelytyksiä ette tehhä sitä mitä sie itte saatat, haluat ja tarttet tehhä. Se merkittee ette sinun pätevyys on lähtökohtana suuriin osale käytänön asioista mitä sie saatat tehhä itte. Kotiolotiimi on käytettävänä ja tukeamassa sielä missä sitä tarvithaan.

Ensi aika kotona rakentuu lähheisheen yhteistyöhön sinun ja tiimin välilä sekä maholinen vakituinen kotipalvelu ja sairaanhoitaja.

Päämäärä on ette sie piät tuntea turvaa ja olla osalinen sinun arkipäivässä ja sen takia saattaa asua sinun koissa niin pitkhään kun on maholista.

Kontakti
Sinun kontakthiin kotiolotiimissä sie saatat soittaa
päivänaikana maanantai-perjantai:
Työterapeuti:
Karin: 073-803 20 79
Fysioterapeuti:
Cecilia: 073-803 19 25
Alisiukkahoitaja:
Anna: 073-803 18 87
Elisabeth: 073-803 21 19
Jessica: 073-803 17 05
Katarina: 073-803 20 48

Lissää tietoja, ota yhteyttä:
Malin Olofsson, Tukiyksikön ja Kotiolotiimin yksikönpomo
Telefooni 0970-818 743, E-posti: malin.olofsson@gallivare.se